Մեր մասին

Ավելի քան 30 տարվա գերազանցություն

ՀԱՀ Բաց կրթության (ԲԿ) պատմությունը, որը նախկինում հայտնի էր որպես ՀԱՀ Շարունակական կրթության բաժին, սկսվում է համալսարանի հիմնադրումից մեկ տարի անց՝ 1992 թվականից: Հիմնադրման տարիներին ԲԿ-ն առաջարկում էր անգլերեն լեզվի և TOEFL-ի նախապատրաստական դասընթացներ։ Դրանք նախատեսված էին ՀԱՀ-ում առկա ակադեմիական ծրագրերը համապատասխանեցնելու մեծահասակների և ՀԱՀ-ի պոտենցիալ դիմորդների կրթական հետաքրքրություններին և կարիքներին: Այդ տարիներին Շարունակական կրթությունը միակ կառույցն  էր, որ իրականացնում էր թղթային TOEFL թեստեր:

Համալսարանի ընդունելության աճին և համալսարանական տարածքների ընդլայնմանը զուգահեռ ԲԿ-ն ևս ընդլայնեց իր գործունեությունը՝ առաջարկելով լեզվի դասընթացներ մեծահասակների և երեխաների համար, ինչպես նաև մասնագիտական զարգացման, թեստերի և քննությունների նախապատրաստման դասընթացներ և թեստավորման ծառայություններ: ԲԿ-ն իրականացնում է նաև արտագնա ծրագրեր: Այդպիսի ծրագրերից է «Սարգիս Քաբայանի անվան փոքր և զարգացող բիզնեսի զարգացման ծրագիրը Հայաստանի մարզերում՝ կանանց համար կրթաթոշակներով», որը վերագործարկվել է 2022թ. սեպտեմբերին: Նմանատիպ ծրագրեր են նաև Թրփանճեան գյուղական համայնքների զարգացման և «Ձեռնարկատերերը առողջության ոլորտում» ծրագրերը։

2006թ.-ին Թրփանճեան գյուղական համայնքների զարգացման ծրագրի մեկնարկով ԲԿ-ն դարձավ Գյումրիում, Դիլիջանում, Եղեգնաձորում և Ստեփանակերտում կազմակերպված բիզնես ձեռներեցության դասընթացների վերապատրաստող: Ավելին, Թրփանճեան ընտանիքի հիմնադրամի աջակցությամբ,  այնկազմակերպեց անգլերեն լեզվի և մասնագիտական զարգացման դասընթացներ՝ վերոնշյալգյուղական համայնքներում տեղական կարիքները հոգալու համար:

ԲԿ-ի հաջորդ առանցքային բաղադրիչը «Ձեռնարկատերերը առողջության ոլորտում» ծրագիրն է որը համագործակցություն է Թրփանճեան առողջապահական գիտությունների քոլեջի և ՀԱՀ Թրփանճեան գյուղական համայնքների զարգացման ծրագրի միջև: Այս ծրագիրը նպատակ ունի բարելավել որակյալ առողջապահական ծառայությունների հասանելիությունը Հայաստանի և Արցախի գյուղական համայնքներում՝ ներդնելով առաջադեմ տեխնոլոգիաներ և նորարարական մոտեցումներ, որոնք կխթանեն բուժաշխատողներին մասնավոր առողջապահական պրակտիկաների մշակման գործում:

Համագործակցելով ՀԱՀ-ի Հումանիտար և սոցիալական գիտությունների քոլեջի և Կիրառական լեզվաբանության հետազոտությունների կենտրոնի հետ՝ ՀԱՀ ԲԿ-ն իրականացնում է նաև EEC ագլերերենի արտադպրոցական ծրագիրը: EEC ծրագիրը անգլերենի դասընթացներ է առաջարկում բոլոր դպրոցականներին, որոնքցանկանում են  սովորել անգլերեն և կատարելագործել իրենց լեզվական հմտությունների: Միայն 2022 թվականի աշնանային կիսամյակում ծրագրում ընդգրկվել է ավելի քան 900 դպրոցական։

Կանանց ձեռներեցության ծրագիրը մեկ այլ առաջատար ծրագիր է, որը ՀԱՀ ԲԿ բաժիննիրականացնում է ավելի քան մեկ տասնամյակ՝ Կանանց միջազգային ասոցիացիայի աջակցությամբ: Ներկայումս Հայաստանի մարզերում կին ձեռներեցներին աջակցելու նպատակով ԲԿ-ն իրականացնում է «Սարգիս Կաբայան փոքր և զարգացող բիզնեսի զարգացման ծրագիրը Հայաստանի մարզերում՝ կանանց կրթաթոշակներով»: Ծրագիրը նպատակաուղղված է գյուղական վայրերում բիզնեսին աջակցելուն՝ դրանով իսկ նպաստելով Հայաստանի մարզերի տնտեսական աճին։ Այն վեցամսյա բիզնես դասընթաց է, որին հաջորդում է վեցամսյա մենթորություն և քոուչինգ: Բիզնես դասընթացը անմիջապես սկսում են այն ուսանողները, որոնք ընդունվել են անգլերենի բավարար իմացությամբ, իսկ մյուսների համար ԲԿ-ն կազմակերպում է անգլերենի անվճար դասընթացներ: Հատուկ ուշադրություն է դարձվում կին ձեռներեցներին, որոնց ծրագրին մասնակցելու համար տրամադրվում էամբողջական կրթաթոշակ։ 

Դեռևս 2015թ.-ին ՀԱՀ-ի տարածքում և ՀԱՀ ԲԿ ղեկավարմամբ ստեղծվել է Պրոմետրիկ թեստավորման կենտրոնը: Ներկայումս մեր թեստավորման կենտրոնը տրամադրում է մասնագիտական հավաստագրման տարբեր որակավորումներ (օրինակ՝ USMLE STEP 1 և STEP 2, CFA, SHRM) և միջազգային թեստեր հանձնելու հնարավորություն՝ քոլեջների և համալսարանների ընդունելության համար (օրինակ՝ TOEFL iBT, GRE): Պրոմետրիկ թեստավորման կենտրոնի հետ մեկտեղ ԲԿ թեստավորման կենտրոնը տրամադրում է ACT, SAT, TOEFL iBT, IELTS և շատ այլ թեստեր հանձնելու հնարավորություն:

ԲԿ-ն,  Հայկական բարեգործական ընդհանուր միության աջակցությամբ, դասընթացներ է անցկացրել նաև կառավարության ղեկավարների և մի շարք խոստումնալից մասնագետների հետ՝ կառավարման, առաջնորդության և ադմինիստրատիվ թեմաներով։

Իր ստեղծման երրորդ տասնամյակում ԲԿ-ն գրանցել է մեծ առաջընթաց՝ դառնալով Հայաստանի առաջատար ուսուցման և թեստավորման կենտրոն: Այն տրամադրում է լեզվի, մասնագիտական զարգացման, թեստերի և քննությունների նախապատրաստական դասընթացներ, ինչպես նաև իրականացնում է արտագնա ծրագրեր: Դասընթացները հարմարեցված են տարբեր մասնագիտությունների տեր անհատների աշխատանքային և անհատական զարգացման կարիքներին։ ԲԿ-ն նաև տրամադրում է քոլեջ և բուհ ընդունվելու համար միջազգային թեստեր անցկացնելու և մասնագիտական հավաստագրեր ստանալու հնարավորություններ: